味道樂居酒屋 (元州街) (已結業)

餐廳位於長沙灣站至荔枝角站中間，入到去係非常日本風格的木系裝潢，環境偏暗，適合與朋友把酒淡心，餐牌食物選擇多，應有盡有。🥢流心芝士魚餅 魚餅兩邊被烤至焦香，芝士香濃，非常美味，朋友非常鐘意食。🥢醬油燒年糕年糕刷上醬油燒，配上紫菜非常香口。🥢芝士鐵板餃子餃子外皮香脆，咬開有流心芝士，非常邪惡。🥢蟹膏帶子火炙壽司甘香嘅蟹膏配上鮮甜帶子，兩者非常之夾。🥢迷你火炙左口魚邊丼看似迷你，但內藏既飯量亦不少，左口魚油緩緩滲出，層次豐富，濃郁甘香。🥢汁燒大白鰭外皮焦脆香口，白鱔肉嫩味鮮，串燒必點。🥢煙肉櫻花蝦燒廣島蠔呢個絕對係必叫之選，煙肉、櫻花蝦非常香口，牛油味濃，廣島蠔肉身飽滿，食落既香口，肉質鮮甜。整體食物質素唔錯，價錢合理，朋友住呢頭附近話會再黎😉。