江川手打烏冬 (已結業)

用「門口老土、新意欠奉」唔係我挑剔哩...個門面裝修成個xx麵店咁既樣, 加上入面既燈光又怪怪...感覺已經唔討好，不過算喇~係旺角食飯唔應該講呢d野...味道先係重要。咁好啦，一睇個menu...又係甚麼日式汁/咖哩汁/xx汁 + 豚肉/牛肉/魚/xx 之類既自選組合午餐反轉一睇又係鰻魚飯、海鮮炒烏冬...之類之前係旺角食過不下300次既食物...係揀無可揀既情況下，太座揀左日式湯汁+牛肉烏冬，我就揀左黑豚肉炒飯。前菜有份沙律仔，大家出過街食日本野都會食過~skip烏冬, 麵身其實唔差，都少少彈牙。不過湯底稍甜，可以接受。牛肉另上，份量唔多，夠食，但係味道淡左少少。我碟炒飯，一上檯就知咩事...講穿左其實即係「楊飯」!!!!! 不過由蝦變做豬肉碎。飯本身炒得乾身，不過代價係幾多油~呢兜飯就咸得滯...總括黎講，係旺角應該搵到不下20間提供差唔多款但俾佢好食既餐廳。抱住食個飯填飽肚無問題，約人食飯....................................................大家行多兩步啦。