影片
更多
2021-12-08
70 瀏覽
Rimi Cafe成日行旺角都會經過呢邊，今次經過朋友帶領下，終於留意到呢間高質餐廳。因為未食lunch嘅緣故，我哋兩份正餐同兩份小食。而且咁啱我哋入座嘅時候係下晝時間，未到多人，加上卡位、環境舒服可以慢慢食下吹下水。 等咗陣，朋友嘅卡邦尼意粉，同我嗌嘅芝士焗忌廉吞拿魚長通粉都到齊啦。先講個長通粉，睇落個唔算好大兜，但真係食落嗰份量真係唔少。重要嘅係，比起其他相同價位嘅西餐廳黎講，佢入面吞拿魚肉真係好多，食到後面真係可以話啖啖肉。而且啲肉質食落軟嫩，加上焗芝士香味連同外皮嘅口感，令成個味道層次豐富咗。所以唔似我響其他地方食過嘅芝士焗長通粉，咁容易食到膩，呢度嘅芝士焗忌廉吞拿魚長通粉真係值得回頭品嚐。卡邦尼意粉整體食落芝士味足，感覺好香濃同creamy，上面有好多片芝士，一路食啲芝士就一路喺口入面融化，芝士控真係一本滿足。Bacon亦都唔會太鹹，煎到好香，令人食指大動，好快就食曬成碗意粉。 另外兩款小食，雖然話係小食，但份量絕對唔算小。首先係芝士焗西蘭花，滿滿的芝士蓋住西蘭花，帶有焦香。本身以為焗嘅菜會比較乾，但係比較驚喜嘅係芝士下面嘅西蘭花完全保留到佢原本嘅水份，食落爽脆多汁之餘又可以
成日行旺角都會經過呢邊，今次經過朋友帶領下，終於留意到呢間高質餐廳。因為未食lunch嘅緣故，我哋兩份正餐同兩份小食。而且咁啱我哋入座嘅時候係下晝時間，未到多人，加上卡位、環境舒服可以慢慢食下吹下水。
等咗陣，朋友嘅卡邦尼意粉，同我嗌嘅芝士焗忌廉吞拿魚長通粉都到齊啦。先講個長通粉，睇落個唔算好大兜，但真係食落嗰份量真係唔少。重要嘅係，比起其他相同價位嘅西餐廳黎講，佢入面吞拿魚肉真係好多，食到後面真係可以話啖啖肉。而且啲肉質食落軟嫩，加上焗芝士香味連同外皮嘅口感，令成個味道層次豐富咗。所以唔似我響其他地方食過嘅芝士焗長通粉，咁容易食到膩，呢度嘅芝士焗忌廉吞拿魚長通粉真係值得回頭品嚐。卡邦尼意粉整體食落芝士味足，感覺好香濃同creamy，上面有好多片芝士，一路食啲芝士就一路喺口入面融化，芝士控真係一本滿足。Bacon亦都唔會太鹹，煎到好香，令人食指大動，好快就食曬成碗意粉。
另外兩款小食，雖然話係小食，但份量絕對唔算小。首先係芝士焗西蘭花，滿滿的芝士蓋住西蘭花，帶有焦香。本身以為焗嘅菜會比較乾，但係比較驚喜嘅係芝士下面嘅西蘭花完全保留到佢原本嘅水份，食落爽脆多汁之餘又可以感受到芝士嘅奶香，所以值得推介。最後係原隻薯仔焗芝士，淨係嗰賣相已經勾起我哋嘅食慾。同前兩款菜唔同嘅係佢嘅芝士唔係包住薯仔焗，而係芝士擺低，薯仔中間，上面一層忌廉。其中個薯仔較大程度上保留咗本身嘅味道同原貌，薯仔嘅口感偏軟同底下較硬身嘅芝士相反，連同啲碎煙肉食比較夾。搭配上面忌廉食又係唔同嘅味道。飲嘢方面，我哋嗌咗凍嘅金桔檸檬四季春同蜂蜜四季春，整體偏茶味較濃，唔係死甜，所以適合食芝士呢啲比較heavy嘅菜款時飲。
整體黎講呢個價位來講，無論食物定飲品，呢間都值得再光顧。題外話我哋走嘅時候先發現，餐廳嘅左室係有一個好大嘅空間，落地窗，望落景色開陽、舒服。好啱一班朋友黎呢度玩下board game，渡過慵懶嘅下晝。
張貼
