美心香港地 (已結業)

今日約咗幾個朋友仔一齊去行山，當然要先醫肚啦，路經"香港地茶餐廳"見到咁多人等位，諗住又夠時間，入去一試，哈... 都幾快有位喎！雖然只係食咗個普通不過嘅早餐(仿鮑魚火腿絲通粉餐)估唔到味道同質素都幾好，個多士甜甜地好特別，我無塗牛油都覺得好味。整體食完唔口乾，又唔會好味精嘅感覺，值得同朋友分享。最重要係平時一個早餐我係未必夠飽肚，依間就夠喇，價錢都OK，嘻... 杯熱飲比其他餐廳大杯，飲晒真係好滿足。