影片
更多
2017-01-12
382 瀏覽
今日同個朋友慶生，佢揀左嚟左呢間話食過唔錯！上環A2地鐵出口幾分鐘就到，好方便。野食可以散叫或者叫餐，餐價錢由$400-$1000，我拍板揀左$800餐（加一，免醬油茶介 ：燒肉汁+檸檬汁）。Premium Set for 2 （$800）包括：極級蟹膏刺身、和風沙律、雞泡魚乾、鹽蔥牛舌、烤肉醬牛胸脊、安格斯特級肉眼朳、特級澳洲羊小架同辣味噌牛肋條，都幾多野食！極級蟹膏刺身 - 大隻又鮮甜，完全唔腥，而且蟹膏極香濃！和風沙律 - 蔬果新鮮爽口，加埋柚子汁好開胃！雞泡魚乾 - 店員先原塊上再幫手燒，燒得岩岩好而且好夠味，剪開一條條食再點沙律醬極滋味！鹽蔥牛舌 - 又稔又薄又多汁，燒完一咬就流汁！再加上大量蔥花好香口。烤肉醬牛胸脊 - 已調味，所以完全唔使點醬都好夠牛味！汁多肉嫩，入口溶化！安格斯特級肉眼朳 - 色澤新鮮，脂肪紋分佈靚，對於我嚟講肥瘦適中好岩我口味！切開再燒，每粒燒至7-8成熟，份量都幾多。我再點埋檸檬汁食覺得愈食愈開胃！特級澳洲羊小架 - 最後一款係羊小架，但並唔「小」，好厚身下！辣味噌牛肋條 - 呢款最濃味所以放最後都岩！味道帶甜甜辣辣，味感豐富，而且肋位有嚼感。服務唔
今日同個朋友慶生，佢揀左嚟左呢間話食過唔錯！上環A2地鐵出口幾分鐘就到，好方便。
野食可以散叫或者叫餐，餐價錢由$400-$1000，我拍板揀左$800餐（加一，免醬油茶介 ：燒肉汁+檸檬汁）。
Premium Set for 2 （$800）包括：極級蟹膏刺身、和風沙律、雞泡魚乾、鹽蔥牛舌、烤肉醬牛胸脊、安格斯特級肉眼朳、特級澳洲羊小架同辣味噌牛肋條，都幾多野食！
極級蟹膏刺身 - 大隻又鮮甜，完全唔腥，而且蟹膏極香濃！
和風沙律 - 蔬果新鮮爽口，加埋柚子汁好開胃！
雞泡魚乾 - 店員先原塊上再幫手燒，燒得岩岩好而且好夠味，剪開一條條食再點沙律醬極滋味！
鹽蔥牛舌 - 又稔又薄又多汁，燒完一咬就流汁！再加上大量蔥花好香口。
烤肉醬牛胸脊 - 已調味，所以完全唔使點醬都好夠牛味！汁多肉嫩，入口溶化！
安格斯特級肉眼朳 - 色澤新鮮，脂肪紋分佈靚，對於我嚟講肥瘦適中好岩我口味！切開再燒，每粒燒至7-8成熟，份量都幾多。我再點埋檸檬汁食覺得愈食愈開胃！
特級澳洲羊小架 - 最後一款係羊小架，但並唔「小」，好厚身下！
辣味噌牛肋條 - 呢款最濃味所以放最後都岩！味道帶甜甜辣辣，味感豐富，而且肋位有嚼感。服務唔錯，店員幫我地燒埋，又會講解，今晚朋友食得開心，我都開心！
張貼
