Hap Coffee (已結業)

呢間舖頭開業幾年今次已經係第五次食。覺得呢間小店食物品質keep得住，價錢實惠，好食過好多貴很多的舖頭。其他細咖啡店好多開業一陣啲食物就開始偷工減料同走下坡。唯一negative的就是地方比較細，坐得比較迫。1）溫泉蛋卡邦尼意粉 $118太太很鍾意食卡邦尼意粉。大部份舖頭，價位由幾十至二百幾，食完一次就冇回頭。在這裏佢已是第三次食呢個意粉，佢覺得非常好味，個汁又唔會太濕，又唔太杰剛好。2）牛油果三色藜麥吐司 $98麵包好食，牛油果份量足夠。藜麥比較特別，第二啲舖頭好多係一粒粒好細粒冇乜咬口。但呢間的咬落去每粒都分得清楚。