影片
更多
2023-08-23
40 瀏覽
平時都幾鍾意食片皮鴨，皮脆肉嫩😍 呢間喺尖沙咀開業多年嘅京川滬菜館，好出名食片皮鴨，其他菜式都好唔錯～ 近排佢哋有京川滬孖寶優惠，片皮鴨+酸菜魚只係$408，好抵食呀！🥢霸王小籠包 (4隻) $55叫返籠招牌小籠包食吓先，小籠包皮薄餡靚，都幾多汁，醋唔會太酸，好食！🥢北京烤鴨(半隻) 份量都唔少，每人有7-8片鴨肉～ 鴨皮烤到好脆，無晒油膩感，鴨肉軟腍！呢度嘅餅皮比平時食開嘅厚一啲，更加有煙韌口感！放一兩塊鴨肉喺餅皮上面，加埋青瓜、蔥同埋甜鴨醬，捲埋一齊食，正！🥢山莊酸菜魚叫咗小辣，佢哋酸菜魚嘅湯比較淺色，無咩辣椒紅油，算係比較清新一啲酸菜魚😂 魚片比較細塊，都算滑，勁多酸菜、金菇！最特別係有蒟蒻片，份量仲好多添！煙煙韌韌又吸味～ 最緊要有埋寬粉，吸滑溜😋🥢竹笙扒露筍 $125點都要食吓菜嘅，叫咗平時屋企少食嘅竹笙扒露筍試吓～ 超多竹笙，吸滿醬汁味！露筍鮮嫩無渣，都幾好食！呢度嘅片皮鴨好食，性價比都唔錯，選擇又多，係一間幾適合聚餐嘅中菜館👍🏻
平時都幾鍾意食片皮鴨，皮脆肉嫩😍 呢間喺尖沙咀開業多年嘅京川滬菜館，好出名食片皮鴨，其他菜式都好唔錯～ 近排佢哋有京川滬孖寶優惠，片皮鴨+酸菜魚只係$408，好抵食呀！
🥢霸王小籠包 (4隻) $55叫返籠招牌小籠包食吓先，小籠包皮薄餡靚，都幾多汁，醋唔會太酸，好食！
🥢北京烤鴨(半隻) 份量都唔少，每人有7-8片鴨肉～ 鴨皮烤到好脆，無晒油膩感，鴨肉軟腍！呢度嘅餅皮比平時食開嘅厚一啲，更加有煙韌口感！放一兩塊鴨肉喺餅皮上面，加埋青瓜、蔥同埋甜鴨醬，捲埋一齊食，正！
🥢山莊酸菜魚叫咗小辣，佢哋酸菜魚嘅湯比較淺色，無咩辣椒紅油，算係比較清新一啲酸菜魚😂 魚片比較細塊，都算滑，勁多酸菜、金菇！最特別係有蒟蒻片，份量仲好多添！煙煙韌韌又吸味～ 最緊要有埋寬粉，吸滑溜😋
🥢竹笙扒露筍 $125點都要食吓菜嘅，叫咗平時屋企少食嘅竹笙扒露筍試吓～ 超多竹笙，吸滿醬汁味！露筍鮮嫩無渣，都幾好食！
呢度嘅片皮鴨好食，性價比都唔錯，選擇又多，係一間幾適合聚餐嘅中菜館👍🏻
張貼
