栢檔極品海南雞飯 (已結業)

#開餐好去處 ❣️荃新天地栢檔極品海南雞飯❣️荃灣呢度美食圍城❇️真係每一日食一間餐廳一年都唔會食得晒！今次我哋就嚟到荃新天地栢檔極品海南雞飯！話說我真係好鍾意食海南雞飯😍不過唔係好多地方都正宗！我真係好唔鍾意食到有骨嘅海南雞‼️💟一人套餐栢檔極品海南雞飯套餐裏面可以揀湯或者嘢飲😚然後六個餸揀一款！我就梗係揀我至愛嘅海南雞飯啦😍仲配埋蠔油生菜🥬連埋甜品雪米糍添🥳佢哋係用無激素、無抗生素既雞！最重要係無味精！雞肉新鮮嫩滑😚啖啖肉，同埋真係冇骨架😍💟跟餐嘅栢檔靚湯紅蘿蔔粟米南瓜湯！非常足料！味道香甜！最重要都係無味精！💟下午茶餐秘方滷燒豬頸肉米粉估唔到佢下午茶都有咁大碟豬頸肉！而且價錢相當親民💓豬頸肉斜切成薄片！口感爽彈，非常惹味！💟下午茶餐肉骨茶配白飯同樣十分足料💓肉骨大概有5條！肉質非常軟腍！淡淡藥材香氣！豆卜吸晒藥膳湯底！一啖咬落去爆晒啲湯汁出嚟！非常滋味😋