影片
更多
2016-02-18
495 瀏覽
今個農曆年食賀年糕點唔多，晌過年前收到姨仔嘅兩盒糕，一盒喺年糕，另一盒喺芋頭糕，以為又喺傳統嘢，點知兩底糕都有驚喜 。 至尊山芋芊絲糕 先講底芋頭糕，初時睇盒面寫住大大隻字「芊絲」糕，以為芋頭頭改成芋頭絲而已，打開包裝，原來可以講喺芋頭絲糕，成件糕都喺以幼條芋絲片壓成，內裡「糕」嘅部分佔好少，切起細件嚟有少少易散。 桂花紅豆軟心年糕 至於底年糕齋睇個名已經好搞鬼，點軟心法？講明軟心，打開包裝當然喺乜都睇唔出，不過，見到糕內混入好多桂花，而一切開，就明白佢喺將紅豆蓉藏晌糕心，而且份量唔少，足佔1/3。包裝袋有教點煎法，都喺底面煎香就可以。由於年糕餡心嘅豆蓉帶甜，怕易煎燶，所以，都盡量細火慢煎。煎好後，至尊山芋芊絲糕入口芋頭味自然濃郁，口感唔錯，而且，因為糕嘅份量少，感覺輕盈啲，無咁滯膩 。而桂花紅豆軟心年糕同樣底面煎香就可以，亦可以蘸蛋漿煎，不過，見佢配以紅豆蓉，覺得就咁煎仲好。年糕咬落黏糯清甜，而中心嘅紅豆蓉，表層焦脆 ，夾埋兩者嘅口感幾得意，但如果啲豆蓉再減甜，我就覺得更理想。今次所試聖安娜嘅糕點，真心覺得喺幾有心思，新穎得嚟唔會太古靈精怪。多謝姨仔心意，不過，
至尊山芋芊絲糕 先講底芋頭糕，初時睇盒面寫住大大隻字「芊絲」糕，以為芋頭頭改成芋頭絲而已，打開包裝，原來可以講喺芋頭絲糕，成件糕都喺以幼條芋絲片壓成，內裡「糕」嘅部分佔好少，切起細件嚟有少少易散。
至尊山芋芊絲糕
55 瀏覽
0 讚好
0 留言
桂花紅豆軟心年糕 至於底年糕齋睇個名已經好搞鬼，點軟心法？講明軟心，打開包裝當然喺乜都睇唔出，不過，見到糕內混入好多桂花，而一切開，就明白佢喺將紅豆蓉藏晌糕心，而且份量唔少，足佔1/3。
桂花紅豆軟心年糕
86 瀏覽
0 讚好
0 留言
包裝袋有教點煎法，都喺底面煎香就可以。由於年糕餡心嘅豆蓉帶甜，怕易煎燶，所以，都盡量細火慢煎。
煎好後，至尊山芋芊絲糕入口芋頭味自然濃郁，口感唔錯，而且，因為糕嘅份量少，感覺輕盈啲，無咁滯膩 。
而桂花紅豆軟心年糕同樣底面煎香就可以，亦可以蘸蛋漿煎，不過，見佢配以紅豆蓉，覺得就咁煎仲好。年糕咬落黏糯清甜，而中心嘅紅豆蓉，表層焦脆 ，夾埋兩者嘅口感幾得意，但如果啲豆蓉再減甜，我就覺得更理想。
今次所試聖安娜嘅糕點，真心覺得喺幾有心思，新穎得嚟唔會太古靈精怪。多謝姨仔心意，不過，賀禮下年就免喇，無謂嘥錢嘛！
題外話/補充資料：
因為喺親友所送嘅禮物，所以，幾個細項評分（環境、服務、衛生、抵食）嘅參考值唔大。
(以上食評乃用戶個人意見 , 並不代表OpenRice之觀點。)
張貼
