Poseidon Restaurant & Bar (已結業)

同朋友仔慶祝生日，佢又喜歡食海鮮，諗住搵個有氣氛又可以食好西嘅地方，於是搵咗呢間Poseidon上到嚟坐低，見到有彷畫，都幾有情調。好，坐低睇吓有咩好食先。海神珍珠號，隻船真係閃令令架，用酒杯載住食物都幾得意，生蠔有12 shooters，蟹肉醬汁鮑魚魚子x 4，金箔魚子醬泰式蟹肉x 4，血腥瑪莉雞尾酒大蝦x 4，份量4個人食都夠。大蝦新鮮大隻呢個魚子泰式蟹肉，食落有絲絲蟹肉加埋魚子口感好清脆。仲有3款醬汁。海神Pizza，個Pizza 又唔貴囉，已經係大批，分到8件，每件最少有一粒大蝦。卡邦尼意粉，個意粉幾煙韌，唔錯。