JA Kitchen

而家有秋季限定全蟹宴由前菜到甜品有10款野食蟹迷嘅我當然要試試佢🦀北海道生蠔配海膽蟹肉用杯上好靚，睇隻杯以為隻蠔係比較細隻，點知有驚喜，蠔新鮮鮮甜，蟹肉加柚子汁酸酸甜甜好開胃🦀松葉蟹清酒荷葉蒸有拆咗嘅蟹肉，蟹腳，蟹鉗，最重要嘅精華就係個蟹膏， 蒸到好似有浸大閘蟹嘅味道，呢個真係好好味🦀香箱蟹肉燒賣燒賣皮包住雞肉餡再上鋪滿滿嘅蟹膏同蟹肉， 一個字，正👍🏻🦀鱈場蟹天婦羅炸粉唔會太厚，咬落去啖啖蟹肉🦀昆布木魚蟹高湯煮蕪菁蘿蔔好甜食落無渣，配埋個汁同蟹膏超夾🦀 煙燻鱈場蟹腳扑葉燒一打開個好香嘅煙燻味，鱈場蟹加咗啲汁好惹味🦀鐵板燒鱈場蟹腳蟹腳被昆布包住嚟燒，令到隻蟹腳更加鮮甜，一定要點埋個蟹粉牛乳汁食，仲正🦀蟹蓋海膽蟹羔焗飯成個飯好重海膽味，但我更加鍾意佢個飯焦🦀季節吸物個日食嘅吸物係豆腐蟹湯，除咗有蟹肉，仲有豆腐花(豆腐切成花)，睇到師傅刀工幾好🍨自家製甜品呢度嘅甜品每一日都唔同嘅，我個日係自家製朱古力雪糕，上層個焦糖脆脆係超級超級超級好味，唔會好甜又唔黐牙，朱古力味又好香濃食哂成個餐食埋個甜品就完美😋