Quiche Yoroizuka (已結業)

啱啱SOGO超市重新開幕嗰陣都有幫襯過，試過佢哋嘅鹹批，驚喜就冇乜。當初仲話唔會再幫襯，點知見到「期間限定」呢4個字又係忍唔到手。1️⃣Mango Pudding @ 期間限定本來小編係expect佢嘅芒果味好重，但係其實就冇乜，而且佢裏面有啲藍莓醬喺度超級搶味。整體來講成個批都係藍莓味比較重少少，只係面頭嗰幾粒芒果肉先食到有好香嘅芒果味。雖然佢係叫做Pudding，但中間嘅口感完全唔似布丁，比較似係一啲creamy少少嘅texture。相比起其他幾個批，小編就覺得呢一個特別而且比較好味少少。2️⃣Ecuador Chocolate @ 香港限定小編會形容佢主要係用朱古力蛋糕整成，雖然唔知中間嗰個應該叫佢做咩好，但小編就覺得佢嘅質感好似蛋糕。而且佢嘅朱古力味都好濃，但濃得尼又唔會話過甜。另外佢外圍嗰個嘅批皮咬落去有少少脆口。佢呢一個批嘅份量真係超級足夠，比起其他嗰啲呢個會比較容易食得飽。