Simplylife Bakery Cafe (已結業)

今日要入元朗買野，係未早餐既情況下加上又差唔多食到午餐時間，唯有合二為一咁處理，係時間充足之下緊係要慢慢慳黎我個lunch啦，一於就黎到simply life，時間尚早，無乜人，而且環境優雅，加上悅耳既音樂，直頭想叫杯Coffee嘆反下，但我無！醫肚反而最緊要，我叫左個Branch Set - 哥達芝士大蘑菇雞肉漢堡，配上南瓜湯、法國麵包、一杯冰茶，湯好濃郁，塗小小牛油沾上南瓜湯，耶蘇光立即出現地照耀著我之後一個流住芝士既漢堡終於到場，漢堡既雞肉應該係用手打，唔會太un，磨菇上盛滿半溶芝士，蕃咖既配搭，真係再一次看見耶蘇光照耀著我啦！薯條炸得又非常脆口，今日午餐果然有得嘆！