影片
更多
2013-08-31
494 瀏覽
又喺一個月一次出尖沙咀返教會嘅日子，完咗崇拜我倆公婆拉埋舅仔同另一位教友，本來打算去老婆個飯堂「唯一」食上海麵，不過行到去厚福街，又突然改變主意，不如試吓隔幾個鋪位嘅「豪隍點心」，因為晌「唯一」唔多「襟」坐，而晌「豪隍」飲茶食點心，應該可以傾耐啲。雖然喺尖沙咀，商業加旅遊旺區，但時間尚早，都仲未夠12:00pm，反而頗靜。所以，踏入豪隍都唔多人，近門口嗰幾張枱仲喺吉嘅，啲客大多數揀坐入面嘅卡位，感覺唔使被路人經過晌櫥窗度眼望望，而我哋心態都喺一樣，同樣揀入面卡位。餐廳嘅裝修好簡潔，橫間白牆身，深紫色絨梳化椅襯灰色雲石枱；雖然個鋪位本身為長形，但勝在樓底夠高，所以空間感強。而且，牆上掛有唔少香港古蹟建築嘅黑白相片，好似我哋頭上嗰張就喺對住文化中心嘅香港青年會（YMCA）及隔離嘅半島酒店。依家好多食肆嘅餐牌都已經中英對照，更何況豪隍位處尖沙咀，又喺賣外國人好鍾意嚟到香港都想食嘅點心，所以佢張點心紙一面中文，一面喺全英，我就特別有興趣睇啲翻譯喺點寫，唔喺要捉人錯處，反而小弟英文幾水皮，當喺學吓嘢，何況有啲點心真喺好難譯，意譯又怪怪哋唔傳神，而音譯外國人睇完都未必明喺乜，感覺都幾有趣架！基本嘅
雖然喺尖沙咀，商業加旅遊旺區，但時間尚早，都仲未夠12:00pm，反而頗靜。所以，踏入豪隍都唔多人，近門口嗰幾張枱仲喺吉嘅，啲客大多數揀坐入面嘅卡位，感覺唔使被路人經過晌櫥窗度眼望望，而我哋心態都喺一樣，同樣揀入面卡位。餐廳嘅裝修好簡潔，橫間白牆身，深紫色絨梳化椅襯灰色雲石枱；雖然個鋪位本身為長形，但勝在樓底夠高，所以空間感強。而且，牆上掛有唔少香港古蹟建築嘅黑白相片，好似我哋頭上嗰張就喺對住文化中心嘅香港青年會（YMCA）及隔離嘅半島酒店。
依家好多食肆嘅餐牌都已經中英對照，更何況豪隍位處尖沙咀，又喺賣外國人好鍾意嚟到香港都想食嘅點心，所以佢張點心紙一面中文，一面喺全英，我就特別有興趣睇啲翻譯喺點寫，唔喺要捉人錯處，反而小弟英文幾水皮，當喺學吓嘢，何況有啲點心真喺好難譯，意譯又怪怪哋唔傳神，而音譯外國人睇完都未必明喺乜，感覺都幾有趣架！基本嘅點心紙細細張，一版睇晒，分8大類：名廚捱介、即蒸點類、蒸腸粉類、砂窩蒸飯類、雲南米線、煎炸點類、精選甜品、飲品，超過50款食物供應，另外仲有張細紙仔有多幾款廚師推介。補充多少少，茶芥6:00pm前收$4位，之後收$5位，所提供嘅喺日本玄米茶，全日免收加一。結果我哋點咗6個點心，一碟腸粉加個砂窩蒸飯。
豪隍叉燒包 $20好奇怪，用得「豪隍」兩個字應該喺招牌嘢，長期供應嘅產品，但晌點心紙喺無列出嚟，反而晌另一張「廚師推介」嘅紙仔度搞，到。一籠有3個叉燒包，雖然叫「豪隍」，又喺「廚師推介」，但水準只喺一般，包身有啲黏牙，叉燒餡肥豬肉又唔少。
豪隍蝦餃皇 $15 / 兩粒反而蝦餃做得有相當水準，餃皮既薄且透，睇到內裡蝦肉填得滿滿，而且夠晒大隻，咬落去啖啖爽鮮嘅蝦肉，真材實料無欺場！
鮮竹牛肉球 $17牛肉球亦食得出用料不賴，一籠有3球，墊有鮮腐竹，牛肉球加咗少少蔥粒同陳皮粒，食落隱約帶點幽香，牛肉球質感亦都彈牙唔死實，肉味不俗，值得推介。
高湯鮮竹卷 $17豬肉、甘筍絲、西芹絲以鮮腐竹包實連高湯蒸，雖然個高湯唔喺話鮮濃到曉飛，但細心嗒真吓，鮮腐竹經高湯浸透，個味道變得唔寡，有點鮮甜香味。餡料？好似變得有啲其次，哈哈！
流沙奶黃包 $21個包又真喺幾得喎，包身非常鬆軟，內裡嘅奶黃餡夠晒「流」，一咬澎湃湧出，食時要小心燙咀；而且以牛油、吉士粉、鹹蛋黃所做嘅奶黃，鹹香有致，甜度亦啱自己口味，兼且鹹蛋黃未壓至碎透，甚有起「沙」嘅感覺，正！
黃沙豬潤腸 $22黃沙豬潤腸依家晌坊間都好流行，隨處都可以食到，不過做得好就唔喺間間可以。豪隍嘅黃沙豬潤腸又如何？小弟就俾個OK佢，佢啲豬潤起晒沙，證明夠新鮮，而且份量十足，抵食，但腸粉皮拉得厚，唔削，可惜亦都唔滑。而最出問題喺個外觀，一大幅腸粉皮拉好之後，整出嚟嘅腸粉闊度應該一致架，何解3條腸粉有長有窄，雖然咁寫好似有啲挑剔，但真喺唔明喎！
煎蛋牛肉飯 $26砂窩蒸飯系列，共有6款選擇，揀依個皆因舅仔甚鍾意牛肉食品。砂窩細細，飯嘅份量約一碗家常飯碗份量，但估唔到牛肉冚勻晒飯面，亦都有一定厚度，肉質鬆軟，又加咗少少蕃茜吊吊肉香。最正喺隻「荷包蛋」喺流晒心，將蛋黃撈勻啲飯，更香更好食。
八寶鹹水角 $18鹹水角外表炸得金黃，而且比起一般所見嘅鹹水角身形較修長。入口外層脆口而帶煙糯，不過，餡料少得可憐，近乎齋食皮嘅感覺。
甜品只得兩款：杞子圓肉桂花糕及香芒布丁，同枱幾位都唔好甜嘢，得我一個啱，所以就無謂叫啦。整體豪隍嘅點心都有唔錯水準，個別點心仲帶嚟少少驚喜，大以列入翻兜之列。另外，下午茶時段挺實惠，每日2:30-6:00pm，推出下午茶套餐，蒸飯 / 米線加1款自選點心賣$39，又或腸粉加1款自選點心賣$35，甚至2款自選點心嘅組合賣$31，又免埋$4茶錢，都幾划算呀！溫馨提示，店家設有最低消費架，6:00pm前喺$30位，6:00pm後就$50位，午市就好易過，晚市就要埋單前自己睇睇砌夠數未！
張貼
