八兆屋 (已結業)

今次呢間餐廳係一田超市入面，餐廳唔大，只係得幾個位。我叫既係照燒炸雞半熟蛋天丼。個飯汁略嫌太多，而飯係日本米，食落特別有咬口同煙韌。 個蛋好特別係一隻溏心蛋加少量炸粉去炸，不過就冇咩味道，蛋味都冇乜。 炸雞淋左汁都有少少脆口，個照燒汁同個雞都幾夾，有汁又唔會乾 ，個雞肉好嫩滑。跟餐會有埋個細烏冬同一杯熱綠茶。個烏冬同杯綠茶都係正正常常。+$12 可以有一款小食，個胡椒雞翼有驚喜。佢1隻開2 ，有2隻。佢係炸雞翼黎，即炸。食落仲熱同好脆，加左好多胡椒同鹽做調味，好香好好味。