琪琪海鮮泡飯專門店 (已結業)

成日想去村爺爺再食龍蝦泡飯，依家唔洗啦，俾我搵到依間，真材實料的龍蝦泡飯🍚。當我諗住跟係村爺爺普通泡飯咁，半隻龍蝦加其他配菜，但老闆即刻推薦，咁加法都百幾蚊，不如試下成隻啦🤑【生猛波士頓活龍蝦泡飯】。當我一話好，即刻係我後面拎左隻，超大隻仲郁緊的龍蝦，老闆話今日抵食呀，d龍蝦有成斤重，但唔加價，隻龍蝦同我揮手講再見之後，就聽到啪啪聲啦😢。🦞未食龍蝦前，飲下超鮮的湯，如果唔係再三強調無味精，我會覺得有雞汁，好爽快索完個湯飯。重頭戲的波士頓龍蝦🦞，原全無失望，肉感飽滿彈牙，蝦味鮮甜，立刻心心眼俾左個老闆，由心講左聲，真係掂喎。