濤 (已結業)

西環舊區嘅隱世日本料理，位於西環邨同車房嘅隔離。外門係一幅石牆，相信好多人經過都唔知道入邊係食日本菜，幫襯嘅通常都係住附近嘅街坊🤪 但想不到店小小但內有乾坤，竟有多達24款set lunch，刺身、壽司、丼、拉麵都有，價錢由$70-$288都有，星期六日都一樣價錢，好抵食🤤 定食仲會配中華沙律、茶碗蒸同麵豉湯🤩🍱角切雜錦魚生丼($98)三文魚同呑拿魚都好新鮮，魚生大大粒，魚生仲多過飯🤩🥘滑蛋豬扒丼($78)基本上滑蛋豬扒都無得輸，大大塊吉列豬扒，熱辣辣，啲蛋又滑又香🤤🤤餐廳環境寧靜舒適，座位鬆動，服務又殷勤，上菜仲好快手🥰 午餐set都好抵食，仲唔收加一😍