影片
更多
2020-08-07
3759 瀏覽
呢日放假去咗將軍澳踩單車，咁事前就梗係要食個美味午餐啦。朋友話聽人講坑口有間隱世壽司店「鮪世市場 」好正，咁我哋就順便試下啦😜。朋友去攞位先，但諗都諗唔到Weekday竟然要等位之餘，仲足足要等半個鐘！其後我哋仲發現餐廳原來兩點鐘左右就會停止派籌，因為佢哋三點打後落場，晚市先再開返😮。不過都明白嘅，因為座位極之少，一眼望晒，大約得十個吧枱座位。之但係裝修真係幾靚，幾有日本風味🇯🇵，感覺乾淨衞生、無異味。完全唔似座落於街市旁嘅美食廣場。苦苦堅持，等到大約兩點半終於有位😆，女店員即刻為我哋送上熱茶🍵，過程中佢亦有不斷幫我哋加水。店員同壽司師傅們都好好禮貌。餐廳午市有賣丼飯定食🍱，價錢比較相宜，介乎$58-$98。另外，當然唔少得散叫嘅壽司同手卷啦🍣。我要咗丼飯餐，所以有埋胡麻田園沙律🥗以及海鮮味噌湯，好豐富。什錦魚生丼($58)，哇哇哇，我敢講呢個係我食過最好食嘅魚生飯😋，貴幾倍嗰啲都無咁好食。第一樣令我愛上嘅原因係壽司飯好高質，米飯溫度保持微暖，醋味恰到好處，不會過酸或過淡，而且質感濕得嚟唔會黐立立🍚。第二，什錦魚生平日比人嘅感覺係下欄嘢，但呢到不單止無呢個情況，反而我仲食到魚生嘅鮮味。
朋友去攞位先，但諗都諗唔到Weekday竟然要等位之餘，仲足足要等半個鐘！其後我哋仲發現餐廳原來兩點鐘左右就會停止派籌，因為佢哋三點打後落場，晚市先再開返😮。
不過都明白嘅，因為座位極之少，一眼望晒，大約得十個吧枱座位。之但係裝修真係幾靚，幾有日本風味🇯🇵，感覺乾淨衞生、無異味。完全唔似座落於街市旁嘅美食廣場。
苦苦堅持，等到大約兩點半終於有位😆，女店員即刻為我哋送上熱茶🍵，過程中佢亦有不斷幫我哋加水。店員同壽司師傅們都好好禮貌。
餐廳午市有賣丼飯定食🍱，價錢比較相宜，介乎$58-$98。
另外，當然唔少得散叫嘅壽司同手卷啦🍣。
我要咗丼飯餐，所以有埋胡麻田園沙律🥗以及海鮮味噌湯，好豐富。
什錦魚生丼
$58
56 瀏覽
1 讚好
0 留言
火炙三文魚壽司
$9
94 瀏覽
2 讚好
0 留言
朋友就單點咗壽司，款式有火炙三文魚、特大赤海蝦($13)、芝士飛魚籽軍艦($13)、火炙左口魚裙邊($13)、三文魚籽軍艦($24)、海鹽輕燒中本鮪魚腩($35)。本身仲點咗自家燒玉子，點知賣哂😭。定價都頗貴，因為最平嗰八款都要成$9件、最貴要成$55！我都係食返丼飯算。
朋友仲點咗件蔥呑拿魚腩手卷($28)，賣相都幾吸引🐟，但似呑拿魚蓉多啲？
總括嚟講，餐廳不愧為隱世壽司店，除咗位置稍為偏僻啲之外，「隱世」一詞現今更蘊含富有實力嘅意思！平日我唔太有興趣幫襯較細規模嘅壽司舖，因為驚魚生唔新鮮，但呢度確係唔錯，令我改觀。特別係個壽司飯好正，好想再食🤤。餐廳晚市有做廚師發板，或許值得一試。＊＊＊＊＊
最後，餐廳係一間撐香港人嘅小店嚟💛。
隨食評附上完整餐牌以供參考😊。
料理長推介部份哦👍。
張貼
