C2 Kitchen (已結業)

同男朋友喺附近體育館做gym，之前咁啱經過呢一間鋪頭見到出面好多人排隊，好彩做完gym都已經九點幾，呢個時候得返兩個人喺外面排隊，我哋見少咗人就決定黎試下。餐廳嘅所有嘅食物價錢都好公道，比起出面cafe平好多，我地叫咗一個溫泉蛋卡邦尼意粉同一個安格斯牛扒闊條麵。溫泉蛋卡邦尼意粉食落去有Bacon個種煙熏味，個汁好creamy，完全係超過左佢個價錢嘅水準。而個安格斯牛扒嘅肉質好鬆軟，食得出係用靚嘅牛扒整。我覺得呢間餐廳嘅食物水準係超出我預期，下次再經過一定會嚟幫襯。