Home Kitchen

營業中

休息中

同女朋友去勝利道睇狗，行到餓餓地就睇下附近有咩食，見佢開放式廚房咁幾過癮環境又幾正就行入左去。女朋友想食意粉所以就叫左個卡邦尼意粉。我本身想試下個鰻魚飯，但見人地食個日本和牛漢堡又大又香，所以改變左主意。首先黎左個卡邦尼意粉先，份量適中，蛋黃芝士味超級香。我試左女朋友一啖已經愛上左呢個意粉，口感好煙韌彈牙，唔會太軟林林，而且啲肉肥瘦均勻，肉味好香，真係超級好食，一試難忘，絕對值得一試。之後黎既就係招牌菜和牛漢堡。個漢堡真係超級大舊，塊和牛勁厚。食左一啖已經融化了我的味覺。肉香不在話，不知道廚師用了什麼方法，把肉汁鎖得死牢牢，一咬下去肉汁四濺。連太陽蛋一齊食，完完全全就是味覺的享受。薯條就外脆內軟，勝在新鮮炸起。總結一下，餐廳價錢定位屬於中等，但用料絕對上乘，而且員工都是一班有心的年輕人，絕對值得翻食支持。位置談不上方便但亦未算難去。有時間去一下順便睇下狗仔，都算消磨時間的一個好方法。