榛

營業中

休息中

最近流行食Omakase，左揀右揀之後，都係決定去一間朋友介紹係紅磡幾「隱世」嘅榛Hashibami。雖然位於紅磡，但榛外面就彷似係一條日式嘅美食街，商場都有和風感覺，都幾特別。一入到去，見到坐位都幾舒服同寬敞，乾淨整潔，比預期好。員工嘅服務態度都幾好，好用心同詳細介紹每一道菜，抵讚!晚市都幾full，所以揀左lunch 去試下先。職員介紹佢地每日都係用日本新鮮到港食材，由於時令及季節關係，菜式會有所不同，就咁睇賣相都覺得食材係幾新鮮嘅。廚師安排咗接近15道菜，超有滿足感，烹調方式同擺盤都好有心思，絕對係一次開心滿足既體驗!最鐘意係慢煮北海道活八爪魚，食落口充滿鮮味又好軟滑。食呢道菜之前，廚師特別俾我地睇一盤巨形八爪魚，望落去好新鮮，而且整呢道菜之前，廚師要先幫佢按摩一個鐘，然後再慢煮兩個鐘，呢度菜認真要花好多心機。整體上由前菜同甜品，都好用心同有質素，絕對值得嚟食! 下次會再試埋佢地嘅晚餐，期待有更多驚喜!