星橋居酒屋

營業中

休息中

中環蘇豪一帶不嬲都多嘢食，依家嘉咸街呢度好多小餐館，見到呢間居酒屋雖然裝修簡簡單單，冇太多花巧嘅裝飾，但店舖乾淨企理反而好有日本居酒屋風格。前菜我哋叫咗螢光魷魚，唔係度度地方都有得食。 依度嘅螢光魷魚粒粒超爆膏鮮甜。呢度有好多款串燒，我哋叫左牛舌心、牛肋肉、大葱雞、銀杏、秋葵同甜薯。全部都燒得剛剛好，一啲都唔會過火。燒銀杏同秋葵加左少少鹽吊味，已經好好食，甜薯就香甜軟糯。牛肋肉好juicy, 而且牛味濃。最值得讚賞就係個牛舌芯呢個真係超級好食！一串有厚厚三大塊，口感爽彈又爆肉汁！呢個真係必食！因為唔係太肚餓，只係叫咗一份牛油果炸蝦卷同唐揚炸雞。炸蝦夠脆，入面有軟滑嘅牛油果配上自家酸酸甜甜嘅醬汁，一啲都唔會油膩。 炸雞就超級Juicy, 食落完全冇一口粉既感覺。野食好食，價錢又唔貴，啲staff 又nice，見到好多客入黎，佢哋都好細心介紹餐廳啲食物。