新耀記食店

營業中

休息中

隱世茶記之無敵冰糖滷髀✨ 想食好耐但平時又唔會點樣同朋友食茶記，今次終於有機會自己一個人食嘢，即刻嚟朝聖呢度個冰糖滷髀😌可以配煎蛋飯都可以配炒出前一丁，我揀咗後者，畢竟係屋企好難炒到個成功嘅公仔麵。一等就等左廿分鐘，終於上菜，炒丁就真係不過不失，冇錯係乾身無油，但同時好似冇乜鑊氣咁，當然佢只係配菜唔會要求太多重點主角係隻滷髀，第一眼覺得佢其貌不揚，黑蚊蚊又爛蓉蓉，食落不得了，燜到好軟好腍身，陣滷水味好甜，但佢甜得嚟唔係死甜，而係帶陣冰糖香，如果係重口味人士會超鐘意，食開口味淡嘅就可能覺得過咗火，我就非常鍾意喇😌