鮪世市場 (已結業)

黎到將軍澳想搵好野食，一定要黎TKO Gateway食返餐。想搵高質嘅黃店，入面嘅鮪世市場一定係你其中一個好選擇，食物新鮮，全部都係即嗌即做，蘋果亦都報導過呢間餐廳，所以非常值得一試。⁣呢度雖然鋪面細細，但係食物嘅種類非常多，而且仲有好多高質新鮮嘅食材會好快賣曬，我地今日黎到坐低就見到最靚個種海膽已經賣曬，可想而知有幾吸引同搶手，所以真係要早d黎。除左點菜單上面嘅手卷壽司同刺身外，仲有各種唔同嘅海鮮丼係本menu入面，另外係店嘅最入面仲有塊黑版寫住d當日會提供嘅高級食材，上面嘅野成日都唔同ga，大家千奇唔好錯過。 ⁣⁣我地今日試左好多唔同嘅壽司，最吸引嘅係各種火炙類別嘅壽司，火炙三文魚香口嫩滑，而火炙左口魚裙邊亦都好濃郁甘香，火炙鵝肝呢就油香十足，整體非常高質。 ⁣⁣人均消費：$170⁣推介指數（10分為滿分）：8.5分