影片
更多
2023-11-17
152 瀏覽
✒懶人先睇總結.❀食物：主打fushion菜式，包括法式、意式及中式。當中亦有唔少素食，同食素的朋友一齊來都無問題~❀服務：有小店的溫馨❀環境：有歐式古典的味道，望住尖沙咀景色食飯非常chill❀價錢：4人埋單 $2,000.✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐✒有興趣再詳細睇.唔係專門去搵絕對留意唔到呢一間私房菜，網上介紹呢一間小店已經開業了20年有多，作為首批於Openrice上線的餐廳亦收穫唔少好評。我同同行朋友一入門口就哇左一聲😂，對比平凡的大廈外表呢到會帶來一種反差感。首先映入眼簾的是一盞水晶吊燈，再來的就是無敵落地窗的景色及歐陸式的裝飾。昏暗的燈光下令氣氛更加有情調，非常適合情侶約會。.細看之下小店之内仲有一間房仔，其他客人被安置在内，我同同行朋友3人就獨佔大廳。另外感覺店内人手並唔多，所以一晚招呼的客人亦不多。私隱度上係唔錯的，有小店的溫馨~ 我地點了兩份2人套餐，大約人頭 $500。.🎈湯品 - 女人的心 (南瓜番茄冷熱湯)Combination聽落有點奇怪，但呢一個係我全晚的favourite，亦係店内的招牌菜式。碗中的南瓜湯係「熱」的部分，口感順滑
✒懶人先睇總結
.
❀食物：主打fushion菜式，包括法式、意式及中式。當中亦有唔少素食，同食素的朋友一齊來都無問題~
❀服務：有小店的溫馨
❀環境：有歐式古典的味道，望住尖沙咀景色食飯非常chill
❀價錢：4人埋單 $2,000
.
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒有興趣再詳細睇
.
唔係專門去搵絕對留意唔到呢一間私房菜，網上介紹呢一間小店已經開業了20年有多，作為首批於Openrice上線的餐廳亦收穫唔少好評。我同同行朋友一入門口就哇左一聲😂，對比平凡的大廈外表呢到會帶來一種反差感。首先映入眼簾的是一盞水晶吊燈，再來的就是無敵落地窗的景色及歐陸式的裝飾。昏暗的燈光下令氣氛更加有情調，非常適合情侶約會。
.
細看之下小店之内仲有一間房仔，其他客人被安置在内，我同同行朋友3人就獨佔大廳。另外感覺店内人手並唔多，所以一晚招呼的客人亦不多。私隱度上係唔錯的，有小店的溫馨~ 我地點了兩份2人套餐，大約人頭 $500。
.
🎈湯品 - 女人的心 (南瓜番茄冷熱湯)
Combination聽落有點奇怪，但呢一個係我全晚的favourite，亦係店内的招牌菜式。碗中的南瓜湯係「熱」的部分，口感順滑creamy。而我最愛「冷」的部分，用了半個番茄殼裝滿番茄沙冰。甜甜的番茄加上香菜的味道，口感好特別~
.
🎈湯品 - 松露蘑菇湯
蘑菇湯既顆粒感比較重，明顯吃到一粒粒蘑菇的口感。味道同樣香濃。
.
🎈前菜 - 巴馬火腿鮮果
巴馬火腿包住哈密瓜，配搭獨特的玫瑰醬。旁邊仲有沙律同紅酒啫喱同水果作為伴菜。.
🎈前菜 - 清新素魚鮮果
沙律部分同另一份前菜一樣，唔同既係巴馬火腿換成素魚。
你問我的話素魚調味係不錯的，煎得好香口，但同真魚仲有少少距離🤣.
🎈海鮮 - 雜錦海鮮盆配香草汁二重奏
最打卡able的一道菜，用三層架上好適合港女(me)打卡😂 頂層的係青口，每人2隻；中層生蠔同翡翠螺；底層凍鮑魚同蕃茄芝士焗蠔。海鮮配搭兩款醬汁，分別係泰式香草汁及Cocktail sauce。
.
🎈主菜
由於我地同行4人，可以一齊過試四款主菜比較一下。當中有大磨菇既素食選擇。
.
👉 脆皮鴨配紅酒汁
我最喜歡這一道主菜，因為中意食香口野。鴨皮燒到非常香脆，一切就聽到碴一聲🤣！採用鴨髀位置，所以肉質唔會太鞋。
.
👉 芝士焗釀大磨菇
呢一道菜係比較喜出望外的，味道上重口味人士都會中意。我估概念係取自burger，因為兩塊大磨菇中間夾住煙肉、芝士、素肉等。一切開就爆汁，芝士味香濃好Juicy~
.
👉 香草燒雞卷
煙肉包住雞肉，中間卷入香菜及其他香料。外面的煙肉煎香後都幾香脆。
.
👉 香草燒魚
用一大個黃椒裝住燒魚，令到燒魚都有黃椒的味道~
.
🎈甜品 - 火焰雪山
另一款超打卡able的菜式，店員會於席前倒上冧酒，食客就可以近距離影低火焰！
而雪山就係由打發起的蛋白及朱古力雪糕整成，味道唔會太甜。張貼
