桃園制作粥麵餐廳 (海悅豪園) (已結業)

住左將軍澳幾年，好多人都話係空中城市，商場同商場比一條條橋駁埋，地舖茶餐廳真係好少，但今日竟發現坑口角落頭有間隱蔽茶餐廳地方好大，坐得舒服，而且食物種類都幾多。服務都唔錯，一舉手就會有人行埋黎，而且仲要免加一。雖然價錢唔算好貴，但食物賣相，質素都唔差秘製咖哩薯仔牛腩飯 茶走少甜 hk48汁既份量幾多，一定夠食整個飯，唔算太辣，可接受。薯仔得一舊，牛腩都幾多，味道都幾好，煮得好淋身。咖哩唔係溝粉果種普通黃色咖哩，味道吸引，好香咖哩味，餸飯非常好。飯既份量相對少，但煮得剛好，米粒清晰茶走味道唔錯，茶味香濃，煉奶份量適中唔太甜又唔會遮左茶味，熱度唔錯。食完飯飲佢剛剛好豐富滿足總括，份量，質素唔錯，雖不算極好，但坐得舒服，服務可彌補不足。不過落單到食物上枱要大概十分鐘，耐左少少