札幌拉麵 Miso No.1 x 辛味屋 (已結業)

喺將軍澳站豪宅區嗰邊， 隱藏不少特式餐廳，因人流冇大商場咁多， 感覺特別休閒。住同區的朋友話想食日本拉麵， 我諗起近Parkside 小巷裏面嘅 [札幌拉麵 Miso No.1 x 辛味屋]。餐廳提供不少 拉麵套餐，蓋飯，小食等。 有新推出特濃豚骨湯系列， 一於叫套餐!  套餐包括一款自選小食。 白豚拉麵 （ 特濃豚骨汤），麵質又爽又幼滑， 濃厚的豚骨湯， 有少少黏著嘴唇嘅骨膠， 醇香回味之極！ 白湯都有叉燒和半隻溏心蛋。 叉燒唔算好肥美， 比較瘦嘅部分。 焦點絕對係個汤底和幼身拉麵。 再配上大量嘅香蔥， 木耳絲，筍絲， 滋味無窮!各款拉麵話還可以加錢追加蛋 ，牛油，筍， 叉燒 等等。自家製餃子(小) $32 餡料脹卜卜， 煎得乾身又唔油膩， 味道唔錯。另一款套餐選了《什錦拉麵》。 湯底唔同，配料也有叉燒，多了豬軟骨和蟹柳。 湯底是味噌湯， 有北海道嘅風味， 曲嘅拉麵， 煙韌唔會太硬， 豬軟骨入味夠軟腍， 味道豐富， 值得一試。串燒雞肉丸比較覺得似 免治雞肉棒棒， 混入 微細嘅雞軟骨， 口感豐富， 雞肉夠味。另選了多春魚小食， 多春魚比較細條， 唔多魚春， 炸得唔夠脆。