WAKO SAKE LABO (已結業)

再會豪師傅 隱藏式的Omakase細佬介紹，再次回味 豪師傅 嘅手勢， 師傅轉咗去新餐廳做，我同太太準時去到餐廳門外， 從店舖外表來看只是一間日式嘅 cafe， 完全唔似食日本料理 ，但原來裏面係別有洞天， 店內有一幅擺滿日本清酒嘅牆櫃， 牆中間有一道門將整間餐廳分開咗兩部分 ， 出面係 cafe裏面則是一個u型嘅壽司吧檯 ，吧檯嘅兩邊牆身都係一個大型嘅led螢幕 ， 隨時間會轉換畫面型做唔同嘅氣氛 ，整個晚上 ，睇住幾位師傅分工合作，為我哋打造每一道賞心悅目嘅菜式， 享受著滿載幸福感的美味👍， 聽住音樂坐在滿有特色環境， 感覺置身在另一個空間，每一道菜式都食得出師傅對料理嘅執著同心思。 一邊品嚐料理，一邊同師傅行話家常， 師傅介紹每道菜式嘅做法同材料，好似上咗一堂日本料理課，過程融洽輕鬆有講有笑，匆匆就三個小時， 飲飽食醉後抱住個大肚腩離去， 期待下一季再光顧，品嚐唔同季節嘅美食。