金滿堂甜品

營業中

休息中

食完飯, 就同好友食家"乜都放入窿"去搵下甜品食, 九龍城選擇確係不少, 最後都係揀左呢間食店, 貪佢選擇夠多!一坐底就睇下個餐牌有咩選擇, 只見餐牌花多眼亂, 名稱又蠱靈精怪, 就連禁藥藍精靈都有, 你話頂唔頂癮? 由於d名稱太過突出, 加上冇辦法估到係咩黎嘅, 於是只好問下伙計, 最後師傅就揀左個鴛鴦雙冰, 而好友食家"乜都放入窿"就揀左彩虹世界!先講下個鴛鴦雙冰, 鴛鴦雙冰係由兩種汁底組成嘅冰柱, 有杧果汁同藍莓汁, 杧果汁係酸酸甜甜, 好清, 而藍莓汁就入幾甜, 加上師傅覺得味道假左少少, 一般; 而冰柱夠實淨, 唔會食食下就變冧晒落黎, 底下仲有一個雲糕球, 作為一客甜品有多種款式同選擇, 絕對唔錯! 而彩虹世界聽好友食家"乜都放入窿"講唔係咁正, 看來似乎唔多抵食!總括黎講師傅覺得鴛鴦雙冰嘅質素確實唔錯, 環境一般, 服務都尚可, 價錢可以接受, 廿七蚊個鴛鴦雙冰, 三兜野個彩虹世界, 可以啦! 食埋甜品, 師傅就真係食到好飽喇, 師傅成日覺得呢個鴛鴦雙冰好似隴外雙魔咁蠱惑, 所以邊食邊講呢個叫做隴外雙魔, 皆因有兩種味道同埋又有暗藏雪糕, 你話蠱惑冇? 笑臉值得一比, 下