影片
更多
2021-05-09
1482 瀏覽
慶祝母親節梗係一齊圍爐最好↑舖頭雖然唔係好近市中心, 但行過去都好方便, 正對住成業街, 一條大直路就到倒. 店內面積非常大, 平常仲有做早午晚市添↑打得邊爐, 實有醬料區, 雖然款式唔多, 但常用都係晒度↑走廊盡頭就係任拎既罐裝飲品同蔗汁, 重點推介係荔枝烏龍茶同黑糖薑母茶, 怕甜既, 可以試下韓式烏龍茶或者龍井茶, 不過我就覺得無乜茶味喇. 哩個位置仲有1間廂房, 如果想有私人空間既話, 不妨預訂.↑叫餐係以每人計算, 以我為例有4人, 留意剔選左既配料, 係會乘4份咁上既, 所以飽肚野就唔建議叫, 除非你係好食得啦↑首先前菜已經有泡椒雞腳同拍青瓜, 仲有每人1盅燉湯同2隻蒜蓉泰醬焗青口, 不過個青口就比個泰式雞醬蓋過左D味, 泡椒雞腳就咸左少少. 重點係2選1既鮑魚, 新鮮鮑魚平時都食開, 但冰鎮飽魚, 唔係每間餐廳都會有提供, 餐廳好窩心地幫你起埋出黎, 仲有叉提供一拮就食倒, 冰鎮之上令鮑魚更加彈口.↑因為個餐包含既野實在太多, 所以餐廳會安排車仔擺住D邊爐配料先, 等你食完前菜就可以清左張枱, 每樣慢慢食.隨個人喜好叫左8款配料, 推介既係雲吞, 標榜係自家製既, 真係好食
↑舖頭雖然唔係好近市中心, 但行過去都好方便, 正對住成業街, 一條大直路就到倒. 店內面積非常大, 平常仲有做早午晚市添
↑打得邊爐, 實有醬料區, 雖然款式唔多, 但常用都係晒度
↑走廊盡頭就係任拎既罐裝飲品同蔗汁, 重點推介係荔枝烏龍茶同黑糖薑母茶, 怕甜既, 可以試下韓式烏龍茶或者龍井茶, 不過我就覺得無乜茶味喇. 哩個位置仲有1間廂房, 如果想有私人空間既話, 不妨預訂.
↑叫餐係以每人計算, 以我為例有4人, 留意剔選左既配料, 係會乘4份咁上既, 所以飽肚野就唔建議叫, 除非你係好食得啦
↑首先前菜已經有泡椒雞腳同拍青瓜, 仲有每人1盅燉湯同2隻蒜蓉泰醬焗青口, 不過個青口就比個泰式雞醬蓋過左D味, 泡椒雞腳就咸左少少. 重點係2選1既鮑魚, 新鮮鮑魚平時都食開, 但冰鎮飽魚, 唔係每間餐廳都會有提供, 餐廳好窩心地幫你起埋出黎, 仲有叉提供一拮就食倒, 冰鎮之上令鮑魚更加彈口.
↑因為個餐包含既野實在太多, 所以餐廳會安排車仔擺住D邊爐配料先, 等你食完前菜就可以清左張枱, 每樣慢慢食.
隨個人喜好叫左8款配料, 推介既係雲吞, 標榜係自家製既, 真係好食過大部份粉麵舖自製既, 韮菜餃都OK, 不過個皮就厚左少少, 如果用黎煎, 應該更適合. 墨魚滑非常重墨魚味, 從來無食過咁濃烈既味道, 值得一試. 牛肉就普普通通, 雖然有安格斯牛肩肉同美國肥牛既分別, 但相差不大. 不過...
↑重點係海鮮丫嘛, 上菜時店員會逐款海鮮講解煮幾多秒/分鐘. 龍蝦真係新鮮到呢, 中間斬開左一半, 都仲係個碟上面郁, 再者放落粥水鍋既時候, 居然仲會掙扎, 要用個夾噤住幾秒先唔再郁, 雖然係有D殘忍, 但無辦法啦. 套餐每人可以有半隻龍蝦, 大到連個碟都裝唔晒, 本身餐廳係有供應澳洲龍蝦既, 但當日貨源就無晒, 所以訂位前, 最好預先問下, 不過哩款龍蝦都足夠鮮甜彈牙, 如果係澳洲龍蝦, 可能更不得了. 排名第2鮮甜既係蟶子王, 平時街市買, 都偏貴, 所以咁多款, 都算值回票價.
↑食到尾聲, 店員會比碗近乎飯質既粥你, 連埋碗粟米、南瓜同芋頭, 一齊倒落去淆粥, 將全部精華一鑊熟, 雖然已經飽左九成, 但點都要試一試個味道既, 湯底甜得黎有陣蜆味, 同埋龍蝦既膏落晒係個粥入面, 最終都係食得晒.不過有部份野都係食唔晒既, 餐廳非常好, 支持食客打包食唔晒既野走. 不過要留意既係, 餐廳無酒牌, 但可以比你自攜外帶入內.
張貼
