宏 (已搬遷) 新店位置

今日同嗰friend去 The One 睇戲，順便喺度揾埋食，先前有朋友介紹五樓嗰間〈宏〉，話D綠茶甜品好出色，咁就一于試吓喇！裝修時尚雅致，座位寬敞舒適，最啱優哉悠喺度歎個long lunch。睇吓餐牌，有各式各樣嘅日本丼同烏冬定食，另外又有意粉選擇，不過最吸引我嘅係林林總總嘅甜點同特飲。越睇越想食，唔好講咁多，先嚟個宇治抹茶沙冰軟雪糕，大大杯，好吸引，呷一口涼到入心嘅沙冰，再加上香甜滑溜嘅綠茶雪糕，真係令人停唔到口，佛手柑沙冰，酸酸甜甜，味道清新無比，讚！我叫咗個大鰻魚飯套餐，包括有鰻魚飯、沙律、海藻烏冬、小抹茶蛋卷同紅茶等。鰻魚又香又甜，滋味十足，呢D用新潟米，口感綿膩。清清哋嘅海藻烏冬，幼滑爽口，别具新鮮感。海鮮海藻意大利粉，賣相不俗，意粉內加入海藻，食落別具風味，值得一試。隨餐奉上嘅抹茶蛋卷同芝蔴蛋卷，甜美可口。我哋两個抹茶控，又点會咁易罷休，當然要追加…先嚟個京都宇治抹茶軟雪糕芭菲，嘩！嘩！嘩！淡淡抹茶香嘅軟雪糕，加上紅豆、杏仁薄脆、抹茶果凍，好味之極。京都宇治抹茶芭菲同一姊妹作，同樣誘惑。呢餐真係豁咗出去，將卡路里完全抛諸腦後。如果你喜歡抹茶甜品，《宏》絕對值得一試！