紅爵御宴

營業中

休息中

首先，食物味道中規中矩。說不上出色，沒有甚麼留下印象深刻嘅菜式。食物賣相和擺盤都十分隨意，近出邊的大排檔沒有甚麼分別，反而大排檔仲多了一分鑊氣。酒樓翻新後，位置非常之闊落，裝修唔錯，空間咁亦夠足，但係相比之下，啲餐具就完全沒有翻新過，幾乎所有餐具都有缺口。食嘢嘅時候要非常之小心避開。😥酒樓員工嘅服務態度非常之欠佳。完全係唔想做生意嘅態度。入左後等咗好耐先有人拎碗筷過嚟，然後d姐姐叫經理過嚟落單，經理非常之不耐煩。可能因為佢真係太忙, 但佢居然好直接大聲咁話忙完就會過嚟噶啦。好幾次經過我哋張檯都扮見唔到，我哋亦唔敢再打攪佢，就唯有坐喺度，等到佢過嚟都等咗廿幾分鐘。但係其實場內嘅客人並唔多。😢 然後上湯嘅時候，就咁放個湯煲喺度，仲要我地request先拎湯碗俾我地，真係好少見咁樣嘅做法。。。已經唔太記得啲嘢食係咩味道，總之成個體驗嘅感覺係好差。