大熊Cafe (已結業)

之前黎過依間cafe食，聽聞最近轉咗手，就黎試下新嘅菜單。Cafe唔算大，但係俾到人一種舒服嘅感覺，熊啤啤嘅公仔同畫作就更加令人覺得舒暢，有大細枱，同知己黎食或者三五成群黎食都得。菜單同平時嘅cafe差唔多，叫咗芝士豬扒意粉配餐湯/餐飲($58)。今日嘅餐湯係忌廉蟹肉湯，好濃，而且有好多蟹肉。之後侍應上錯咗燴飯，搞到再要等多10分鐘先黎意粉。可能因為太趕，所以芝士冇咗焗到有少少焦焦地嘅感覺，而且有啲咸，不過勝在豬扒多得黎又香口，意粉質地爽。