常悅素食 (已搬遷) 新店位置

為同行嘅食素親戚，過年後食番餐素就揀咗常悅，既合眾人口味，亦可試真半時忽略嘅食材原味，更可讓平時裝住大魚大肉嘅腸胃抖一抖！常悅摩登得哩唔會太過古靈精怪，菜式多專注於用材及烹調味道，唔會太花巧，比較啱我親戚口味，因為佢真係食齋人，扮牛扮馬嘅素菜佢唔啱，故此，我哋嗌嘢都係以食原味為主嘅素菜。先上兩點心：滬色炸春卷、蒸香菇蘿蔔糕，前者無乜特別，但後者好正，食出清甜蘿蔔味，加埋柔軟嘅質感同菇香，真係簡單而食出真味嘅點心！炒兩個小菜，都係想食材料原味，所以揀咗一個栗子鮮竹煲，另一個就係欖菜蓮藕鮮冬菇，兩者都好對板，前者栗子粉香，配上爽脆鮮竹筍，雖然口感各異，但味正又夾喎，再者，醬料味不濃，先至唔會冚咗栗子同鮮竹筍嘅味！至於後者，欖菜鹹鹹香香，蓮藕薄切炒得脆口，加埋肥大肉厚嘅鮮冬菇，唔錯唔錯嘅選擇！得點心同小炒頂唔得飽，所以唔少得叫個飯，睇開食評讚哩個焗芋頭飯好，梗要試試驗明正身啦，乜都唔使講，凈係焗芋又粉又香已經夠照，飯粒分明但唔乾身，撈埋少少獻汁哩食，果然好介紹。最後，總要點個糖水作結至覺得餐飯夠完整，招牌生磨合桃露，二話不說就揀定係佢，鍾意合桃味道嘅人一定愛死佢，原合桃生磨引出，爆發濃郁合桃