影片
更多
2009-11-05
5 瀏覽
本人平時真係好少去九龍食飯，但係由於要就喺九龍塘做野0既娘親，千揀萬揀之下最後揀左呢度。入到裡面，發覺枱與枱相距並唔遠，但係聽落並冇話好嘈0既感覺，所以覺得呢度無論係同朋友定係同客食飯，環境都算係唔錯。驟眼睇個MENU，點解同北京樓嗰個好似冇乜分別0既 - 再睇番枱上0既濕紙巾，先至發現原來呢度都係美心集團旗下食肆。由於自己離食早餐時間唔耐，加上娘親一向細食，所以是日菜式並唔多，如下 : 杭州芳香素腐方 ; 嫰雞煨麵 ; 蒸素餃 ; 講緊0既杭州芳香素腐'方其實應該即係凍腐皮。呢個冷盤係成餐飯最好0既部份，作為頭盤，本人認為係一個唔錯0既選擇，因為喺一般上海料理店未必可以食得到。 接住個嫰雞煨麵就真係令我意外得很。第一眼望落去，根本望唔倒有任何雞... 心諗係咪佢地將雞放左喺底，點知進行快速打撈並無收獲 ... 睇真D，發覺原來有少量雞粒 (連雞絲都簡直講唔上)，不過心諗D雞唔係咁貴卦，你會唔會孤寒左少少? 不過，其實其他的包括湯底以及麵質都算係一般，中規中舉，不過 ... 呢個嫰雞煨麵會唔會真係削左D呢。 之後黎0既係蒸素餃。由於個煨麵，對個蒸餃都冇乜特別期望，可惜一啖咬落去，都唔
入到裡面，發覺枱與枱相距並唔遠，但係聽落並冇話好嘈0既感覺，所以覺得呢度無論係同朋友定係同客食飯，環境都算係唔錯。
驟眼睇個MENU，點解同北京樓嗰個好似冇乜分別0既 - 再睇番枱上0既濕紙巾，先至發現原來呢度都係美心集團旗下食肆。
由於自己離食早餐時間唔耐，加上娘親一向細食，所以是日菜式並唔多，如下 :
杭州芳香素腐方 ;
嫰雞煨麵 ;
蒸素餃 ;
講緊0既杭州芳香素腐'方其實應該即係凍腐皮。呢個冷盤係成餐飯最好0既部份，作為頭盤，本人認為係一個唔錯0既選擇，因為喺一般上海料理店未必可以食得到。
接住個嫰雞煨麵就真係令我意外得很。第一眼望落去，根本望唔倒有任何雞... 心諗係咪佢地將雞放左喺底，點知進行快速打撈並無收獲 ... 睇真D，發覺原來有少量雞粒 (連雞絲都簡直講唔上)，不過心諗D雞唔係咁貴卦，你會唔會孤寒左少少? 不過，其實其他的包括湯底以及麵質都算係一般，中規中舉，不過 ... 呢個嫰雞煨麵會唔會真係削左D呢。
之後黎0既係蒸素餃。由於個煨麵，對個蒸餃都冇乜特別期望，可惜一啖咬落去，都唔好講話要有汁喇，直情覺得佢係乾爭爭，感覺好似乾蒸咁，一D水份都冇 ... 乜原來蒸餃係咁0架咩 ?!
其實按本人平時食呢個集團0既饍食黎計，呢餐都可謂低於水平；其中呢個嫰雞粒煨麵更係一試難忘。不過希望今次只係一時失準，而我有機會0既話都會再幫襯，希望下次會改善啦。
張貼
