影片
更多
2022-05-16
641 瀏覽
銅鑼灣的正常食物太多了。請不要浪費金錢食八沢。在大約一年前，我有嚟過呢間嘢食日本菜，啲烏冬的確係唔錯，琴日突然間興起想食烏冬，就諗起呢間舖頭。點知原來佢轉左Menu，而家變咗做泰國菜，冇晒以前啲嘢食。雖然有啲失望但係既然一場嚟到試吓佢嘅泰國菜都唔緊要啦，話晒之前嘅日本菜都有返咁上下水準。以下我講嘅說話少少都冇誇張到，呢間舖頭琴日啲嘢食我敢講係我20幾年人生入邊食過最難食嘅餐廳，沒有之一。完全理解唔到點解可以整得咁難食。恕我太唔開心冇幫食物影到相，但係可以話，淨係睇賣相已經見到完全唔合格。琴日食午餐叫咗三樣嘢1）冬陰功海鮮湯金邊粉賣相：極度淺色，完全唔似冬陰功顏色，顏色係出前一丁麻油麵淨係落咗¼包湯粉嘅顏色，見佢有少少紅油喺頂浮住。味道：酸。好酸。剩係得酸。沒有任何味道。直程係醋味。配料方面，有幾隻蝦 一粒帶子 一條蟹柳。三樣都冇乜特別，純粹擺咗落去一齊碌嘅感覺。冇預先煎香炒香或其他處理，就係同嗰煲酸湯一齊煮。配料如果唔係咁酸勉強可以入口，所以我用餐廳提供嘅水沖完都有食。2）泰式炒金邊粉賣相：星洲炒米嘅顏色，有幾束膿左嘅麵條，完全夾唔起，一餅野嘅感覺，只要你求其夾起一束，成個麵都會攞起，
在大約一年前，我有嚟過呢間嘢食日本菜，啲烏冬的確係唔錯，琴日突然間興起想食烏冬，就諗起呢間舖頭。
點知原來佢轉左Menu，而家變咗做泰國菜，冇晒以前啲嘢食。雖然有啲失望但係既然一場嚟到試吓佢嘅泰國菜都唔緊要啦，話晒之前嘅日本菜都有返咁上下水準。
以下我講嘅說話少少都冇誇張到，呢間舖頭琴日啲嘢食我敢講係我20幾年人生入邊食過最難食嘅餐廳，沒有之一。完全理解唔到點解可以整得咁難食。恕我太唔開心冇幫食物影到相，但係可以話，淨係睇賣相已經見到完全唔合格。
琴日食午餐叫咗三樣嘢
1）冬陰功海鮮湯金邊粉
賣相：極度淺色，完全唔似冬陰功顏色，顏色係出前一丁麻油麵淨係落咗¼包湯粉嘅顏色，見佢有少少紅油喺頂浮住。
味道：酸。好酸。剩係得酸。沒有任何味道。直程係醋味。配料方面，有幾隻蝦 一粒帶子 一條蟹柳。三樣都冇乜特別，純粹擺咗落去一齊碌嘅感覺。冇預先煎香炒香或其他處理，就係同嗰煲酸湯一齊煮。配料如果唔係咁酸勉強可以入口，所以我用餐廳提供嘅水沖完都有食。
2）泰式炒金邊粉
賣相：星洲炒米嘅顏色，有幾束膿左嘅麵條，完全夾唔起，一餅野嘅感覺，只要你求其夾起一束，成個麵都會攞起，痴笠笠，真心，10分1嘅價錢我都覺得貴
味道：同賣相不相伯仲。味道方面，如果叫做普通蛋炒米粉可能會冇咁高要求。但係唔知點解成個面都有浸酸味。唔係金邊粉正常嘅甜酸味。我唔知係加咗醋定係有少少豆腐發臭嘅酸味。麵質口感黐立立，軟糯，0分。配料方面，幾隻蝦同上面個冬陰功湯面一樣，沒有補充。乾豆腐極硬，難食得好誇張。我諗唔到有邊樣嘢特別難食，因為成個金邊粉都難食得好誇張。我唔知我咁樣呢篇講會唔會被禁，但係我敢講我真係冇誇張 冇偏見，因為我以前都覺得佢日本菜好食，不信你可以去試試。
3）泰式奶茶
賣相：黎杯頂約少左3cm 唔夠滿。但係唔太過份
味道：正常泰式奶茶。難得及格。全店唯一可以吞曬落肚嘅野
張貼