Teru Teru Bōzu (已結業)

最近約左好耐冇見既朋友，大家都喜歡食日本菜，睇左一輪食評，就決定試下呢間好評幾多既日式餐廳，味道果然非常唔錯，值得推薦。餐廳環境舒適有格調，環境都算清淨，幾適合我同朋友傾計。黎到當然想試下D新野，我地就叫左呢個鯷魚伴季節野菜，味道非常新鮮特別。野菜包拾原條青瓜、南瓜等，全部都未經加工，保留到野菜本身既清甜，感覺非常健康。為呢道菜錦上添花既係個鯷魚醬，食落咸咸地咁，味道類似淡淡地既蝦醬，鮮味十足。支豆亦係我非常喜愛既一道下酒菜，慢慢食慢慢同朋友傾計，係的每之去居酒屋都必點既。呢個和牛壽司亦令人非常驚喜！大片既和牛食落入口即溶，有濃郁既油香味，一啖放落口就Perfect。燒魷魚筒亦係我相當偏愛既一道菜，餐廳既燒魷魚筒既質素亦相當唔錯。魷魚筒燒得岩岩好，外面保留到燒物既香氣，亦保持到魷魚本身彈牙既口感。紅酒煮厚牛舌亦沒有令人失望，醬汁有淡淡既紅酒味，並唔會搶左牛舌本身既味道。牛舌非常厚身，但又煮得非常腍，相當易入口。明太子忌廉醬意粉可以話係令人相當驚豔！意粉有非常濃郁既忌廉香，加埋明太子味，令人食過番尋味。