多寶美食 (已結業)

終於可以去期待已久嘅多寶美食!!酥炸大腸:外脆內軟，只有大腸嘅香味而冇蘇味，配搭酸甜醬汁，口感味道一流，，絕對係多寶嘅招牌美食!咖喱魚蛋:彈牙又入味，絕對唔係時下食到嘅行貨(又淋又霉嘅魚蛋)牛柏葉&魷魚:爽口鮮甜，即叫即淥!生菜魚肉:魚肉好滑，菜同魚肉都好新鮮仲有蘿蔔豬皮，碗仔翅，牛丸，墨丸…個人認為多寶美食大部分食物水準，質素都遠高於其他街頭小食檔，絕對值得香港人支持!一句頭尾:集香港街頭美食之大成!