Häagen-Dazs

營業中

休息中

平時都有間唔中食haagen-dazs雪糕，雙球$60，近日見有優惠，所以立即跑去食，加上有新口味未試過，平時家庭裝冇新口味的。優惠期至10月30日。用八達通付款，雙球雪糕$60有買一送一優惠，而且口味都是自選的，太吸引啦。我地選左皇室奶茶/士多啤梨芝士餅（左）、荔枝士多啤梨玫瑰/蜂蜜合桃（右）。荔枝士多啤梨玫瑰是新口味，有荔枝清甜加上士多啤梨酸酸地好清新，最後回反玫瑰味上來，而且玫瑰味突出。三個味不但唔會搶味，而是味道有層次又豐富，女仔必食。另一球都算新口味，前排已經見到有，蜂蜜合桃味，甜蜜蜜又香的honey加上有咬口的合桃果仁，二者都有各自的香味，好岩秋天食。友人的皇室奶茶味又香又滑，茶香不苦帶奶味較重，味道好好。另一球是常食到的士多啤梨芝士餅，士多啤梨味由果醬中食到，味道幾酸開胃，芝士餅濃郁，正好中和士多啤梨的酸味，只係餅干太淋，混合雪糕係會淋哂，潮哂也是正常。