明明車仔麵專門店 (軒尼斯道)

營業中

休息中

一星期來咗兩次明明，就就係為咗佢嘅蒜蓉辣椒雞翼尖😍😍。我食過港九新界大大話話超過20間嘅雞尖，一食完呢間，就變成我嘅最愛。佢個名叫蒜蓉辣椒雞尖，係非常濃郁嘅蒜蓉味，每食一啖都見到粒粒蒜蓉，連個醬汁都係充滿蒜味，唔會特別鹹同辣，好適合香港人。雞尖嘅size比其他店細隻，所以更加索汁，亦非常入味，唔會煮得太腍，口感仲好彈牙。👍🏻👍🏻👍🏻除咗雞尖之外，車仔麵嘅配料有一半都幾好味。豬紅、豬腸、魷魚、蘿蔔、豬皮、冬菇都好味。魚蛋、魚腐、肥牛還好。下午茶仲有套餐優惠，滿$40以上就送冷熱飲品，灣仔來講呢個價錢同質素，好抵！