天奴豬扒餐廳 (已結業)

早上去到元朗，未夠鐘就去咗天奴食早餐。同平時一樣，本來想叫個魚柳早餐，老闆娘介紹食豬扒或雞扒，我又無乜所謂，同埋 “眼大肚窄“ 唔多適合喺我身上，因為我一定食得晒兩個餐。豬扒餐，真係好味，好冧，真係連無晒牙嘅公公婆婆都咬到。雞扒味道好正，表面啲皮雖然唔及啲烤雞皮咁脆。要特別提醒，多士可以免費轉換波羅包，但數量有限先到先得。仲有，請留意，坐位有限，所以去到都有可能要喺外面企一陣或可以坐喺外面。值得介紹一下佢哋支秘製辣醬，相信一定唔會差，啱啲食辣嘅好友。