來來重慶雞煲火鍋菜館

營業中

休息中

今晚心大心細食咩好，本身想食海福花園對面嘅雲吞麵，點知好似執咗。結果去咗對面馬路嘅來來食雞煲。因為我地得兩個人，所以只係叫咗半隻雞嘅雞煲（中辣）。大約等咗十分鐘，就上雞煲，而且已經食得喇！醬汁唔係好辣，不過味道唔錯，而且雞煮得非常滑。可惜火鍋配料無咩特別，只有豬紅好食，菜肉餃皮太厚太黏......粉絲吸完個汁之後變咗超深啡色，即使加湯先煮都係咁。最後煲湯汁個色亦係變到好深色好濃好油，菜都唔敢食。（好在無叫肥牛否則一定仲核突）整體嚟講雞煲好食，但係火鍋配料要改善下。