影片
更多
2024-03-16
471 瀏覽
今次食嘅套餐係淥鼎記一小寶套餐 （120分鐘火鍋放題），主菜可以選擇老壇酸菜魚或重慶雞煲，亦可以加錢叫干鍋海鮮什錦、清湯蘿蔔牛腩、藤椒烤魚或椰奶雞，上次喺觀塘分店食過酸菜魚，今次選擇咗重慶雞煲，辣度可以選擇，叫咗BB辣。.上雞煲之前首先會俾前菜，今次俾左涼拌青瓜同鹽酥雞粒。涼拌青瓜用左蒜蓉、辣椒、醋、醬油等調味，食落清爽又帶酸辣味，好開胃。鹽酥雞粒脆到脆卜卜，外面灑滿辣椒調味粉，食落少少辣，好香口。.雞煲上一枱後店員幫手加熱雞煲，保證食客食到熱辣辣的菜式，雞肉好鮮嫩，唔會煮到過老，除咗雞肉之外，用咗好多配料，有香菜、蔥、洋蔥、乾辣椒、花椒、八角等多種香料烹調而成，食落非常之惹味而帶點麻香，令人食到一啖接一啖！.食完雞煲就可以去打邊爐，火鍋湯底有6種：鴨血麻辣鍋、澳門豬骨鍋、美人花膠鍋、海皇海鮮鍋、鮮茄薯仔牛肋條鍋、姫松茸雜菌鍋，我同朋友選擇咗海皇海鮮鍋。有別於傳統雞煲嘅食法，火鍋湯底唔係直接加喺食剩嘅雞煲上面，店員會直接換個新鍋同湯底。海皇海鮮鍋睇落鮮橙色，底下有好多鮮蝦，食落蝦味好濃郁！.火鍋配料嘅選擇都非常之多，有牛肉、豬肉、羊肉、海鮮、丸類、餃子、蔬菜等等，牛肉推薦安格斯極佳级精
今次食嘅套餐係淥鼎記一小寶套餐 （120分鐘火鍋放題），主菜可以選擇老壇酸菜魚或重慶雞煲，亦可以加錢叫干鍋海鮮什錦、清湯蘿蔔牛腩、藤椒烤魚或椰奶雞，上次喺觀塘分店食過酸菜魚，今次選擇咗重慶雞煲，辣度可以選擇，叫咗BB辣。
.
上雞煲之前首先會俾前菜，今次俾左涼拌青瓜同鹽酥雞粒。涼拌青瓜用左蒜蓉、辣椒、醋、醬油等調味，食落清爽又帶酸辣味，好開胃。鹽酥雞粒脆到脆卜卜，外面灑滿辣椒調味粉，食落少少辣，好香口。
.
雞煲上一枱後店員幫手加熱雞煲，保證食客食到熱辣辣的菜式，雞肉好鮮嫩，唔會煮到過老，除咗雞肉之外，用咗好多配料，有香菜、蔥、洋蔥、乾辣椒、花椒、八角等多種香料烹調而成，食落非常之惹味而帶點麻香，令人食到一啖接一啖！
.
食完雞煲就可以去打邊爐，火鍋湯底有6種：鴨血麻辣鍋、澳門豬骨鍋、美人花膠鍋、海皇海鮮鍋、鮮茄薯仔牛肋條鍋、姫松茸雜菌鍋，我同朋友選擇咗海皇海鮮鍋。有別於傳統雞煲嘅食法，火鍋湯底唔係直接加喺食剩嘅雞煲上面，店員會直接換個新鍋同湯底。海皇海鮮鍋睇落鮮橙色，底下有好多鮮蝦，食落蝦味好濃郁！
.
火鍋配料嘅選擇都非常之多，有牛肉、豬肉、羊肉、海鮮、丸類、餃子、蔬菜等等，牛肉推薦安格斯極佳级精修肥牛，牛味濃，因為有比較多牛脂，食落口感好軟嫩，好好食！仲有強烈推薦海帶，海帶超吸味，吸收晒湯底精華，食落口感滑嫩爽口，仲帶好香濃的蝦味，又低卡健康同好食！
.
除咗火鍋配料選擇多，飲品選擇都好多，仲有自家家製竹蔗茅根，可以清下熱氣！
張貼
