人和月雞煲火鍋店 (已結業)

天氣開始凍， 食定個雞煲過冬！人和月好耐之前幫襯過， 記得個質素唔錯， 今日路經尖沙嘴， 再嚟返啅！今日點咗A餐， $298吃到飽套餐！前菜要咗麻辣雞煲（小辣）， 火鍋湯底揀咗胡椒豬肚湯！雞煲好快就上檯， 小辣辣度好輕微， 唔食辣嘅人都應該頂得順。 雞肉嫩滑， 麻辣味度好入味， 而且雞件數量好多（太多， 攪到好易飽）！食完雞煲之後， 就換胡椒豬肚湯打邊爐，套餐先嚟一個牛肉拼盤 - 雪花肥牛、牛舌、牛板腱、牛下肩同埋牛胸爽。 胡椒豬肚湯味道濃郁，一開頭嘅胡椒味唔算重，但越食越辣，而豬肚嘅份量係非常之多！牛肉拼盤嘅牛全部都好重口味，質素非常之高。個質素唔會因為298呢個價錢而降低！贊！ 個人推介雪花肥牛同埋牛板腱， 牛味超勁， 入口鬆軟！ 好正！除咗牛肉之外，仲有好多唔同嘅食物選擇，出面自助區域有泰式燒豬頸肉、冰鎮醉鮑魚、炆牛腩、各式各樣丸類同埋唔同嘅蔬菜！ 而嘢飲亦都係應有盡有！ 最後仲有全食牛奶公司雪糕、 豆腐花等甜品！ 人和月呢間餐廳價錢、質素、服務態度等等都10分高質，誠意推介呢間餐廳！