金仔米線 (已結業)

金仔米線都食過幾次，雞煲就第一次試。要咗個土佬雞煲小辣，再加咗日本蠔、蝦滑、米線、娃娃菜、炸魚皮同黑豚肉。土佬雞煲都等咗10分鐘先有，雞都幾多，而且好嫩滑。但醬汁唔辣唔麻又唔夠香，香料唔夠，所以醬汁遜色。侍應等我地d雞食得7788，就過黎加湯，加咗湯之後，d油浮晒上面，要努力畢呀畢，畢得7788我地先落料。D 料好渣，蝦滑基本上無蝦，得麵粉，好難食，食咗一兩啖就無再食。日本蠔有d解咗凍，有d又未解，而且都幾腥。黑豚肉碎濕濕，半肥瘦，尚可接受。米線就好好食，煙煙韌韌，又吸味。