萊思廊 (已結業)

上星期睇完AMXXX免費報紙的食評專欄，推界呢間餐廳仔的雞脾，比5粒星，撼贏我喜愛的紅磡時新？呢間無乜食評，今日即管去試試佢個雞脾。一入到去，與一般茶仔差唔多，格局當然贏時新，而又幾爆場，正如食評說，伙食話要等，好.......等啦！點左個雞脾紅豆冰Set，等足20分鐘，雞脾送上，隻比色水好理想，夠熱夠脆，咬落去塊皮脆到Short Short聲，咸味適中，肉夠入味，好滑唔講得，但係有肉汁流出，以同類雞脾來計，絕對好掂！結果，未食完要叫多隻，費時等咁耐！呢隻雞脾咁好味，無乜人推薦係時運未至，今日等我幫佢一把！