無名炭爐伯伯雞蛋仔 (已結業)

今日睇報紙，知道自己係天后由細食到大既雞蛋仔伯伯(食到依家就算番去佢都認得我) 比食環捉左，覺得好心痛。一間咁好味保持傳統既炭燒雞蛋仔，試問仲有邊個堅持？點解政府人員係要欺善怕惡？天后地鐵站頭有陀地賣老翻唔捉，銅記地錢成班"過江龍"唔捉，阿伯自力更生唔羅綜緩要十日內捉人三次？唔通阿伯行唔到路好交數？雞蛋伯伯，請你繼續做下去！我地一定支持你！