影片
更多
2019-03-19
117 瀏覽
由細到大我都好鍾意食牛扒，細細個去食西餐廳食鐵板扒都食到津津有味～到大個左資訊發達，接觸多左食譜同睇西方飲食節目，先知道咩叫真正嘅牛扒～最近聽講何文田開左間隱世扒房，原本以為會好難搵而卻步，之後豬豬搵地圖，原黎係旺角東行過去唔使10分鐘，終於有動力的起心肝去試下～係舖頭關哂門嘅街道轉個彎，見到好多人排緊長龍就知冇搵錯了等左15分鐘倒，侍應帶我地坐低之後第一件事就係拎住個大盤幫我地fill—薯條—呢度其中一個賣點係薯條無限添食，而薯條質素相當高，炸得香脆又熱辣辣，配埋茄汁經典組合，好味到我地未入正題就食左一碟侍應之後詳細介紹每樣食材同牛扒，仲有熟度等等，夠哂細心，加分！我地每人叫左個set，有扒有湯有沙律有野飲，價錢都算合理。餐湯係忌廉磨菇白湯，口感非常creamy，質地唔算太濃但香味好出，高水準之作。餐飲我地分別叫左dirty lemonade 同very dirty lemonade，分別係最dirty個杯就落左少少whiskey嘅。整體都幾清新，冰冰地配檸檬味都幾chill，加左酒又唔同玩法，變左易入口少少嘅溝酒，好似酒吧會點到嘅酒一樣，伴牛扒都係唔錯嘅選擇。沙律用料除左常脆嘅蕃茄
最近聽講何文田開左間隱世扒房，原本以為會好難搵而卻步，之後豬豬搵地圖，原黎係旺角東行過去唔使10分鐘，終於有動力的起心肝去試下～
係舖頭關哂門嘅街道轉個彎，見到好多人排緊長龍就知冇搵錯了
等左15分鐘倒，侍應帶我地坐低之後第一件事就係拎住個大盤幫我地fill—薯條—呢度其中一個賣點係薯條無限添食，而薯條質素相當高，炸得香脆又熱辣辣，配埋茄汁經典組合，好味到我地未入正題就食左一碟
侍應之後詳細介紹每樣食材同牛扒，仲有熟度等等，夠哂細心，加分！
我地每人叫左個set，有扒有湯有沙律有野飲，價錢都算合理。
餐湯係忌廉磨菇白湯，口感非常creamy，質地唔算太濃但香味好出，高水準之作。
餐飲我地分別叫左dirty lemonade 同very dirty lemonade，分別係最dirty個杯就落左少少whiskey嘅。整體都幾清新，冰冰地配檸檬味都幾chill，加左酒又唔同玩法，變左易入口少少嘅溝酒，好似酒吧會點到嘅酒一樣，伴牛扒都係唔錯嘅選擇。
沙律用料除左常脆嘅蕃茄生菜呢d必備元素之外，仲加左藜麥同甜蕃薯較創新嘅食材，配以黑醋汁點輟，係一道健康又開胃嘅前菜。
輪到主角登場啦！我叫嘅係香草平鐵牛扒，豬豬叫嘅係谷飼prime級平鐵牛扒，跟番侍應介紹嘅熟度，分別係medium 同medium rare。兩款牛扒擺盤都相當講究，而且每樣食材都有佢嘅功用，睇得出花左唔少心思。
香草平鐵牛扒質地較淋，medium熟度都唔會覺得硬。牛扒面煎封得好好，牛扒肉味豐富。原隻蒜頭切開少許，等食客可以直接叉一舊出黎配牛扒一齊入口，蒜香同牛扒嘅絕配，沾少少隔離嘅岩鹽，簡直只能用享受黎形容。
谷飼牛風格就有些少唔同，扒身較厚實多汁，牛味非常濃，風味極佳！同樣係完美嘅煎封，沾少少鹽就有出色嘅味道。伴碟嘅薯蓉、蕃茄同充滿藝術感嘅四季豆亦有作為一波波濃烈味覺衝擊之間嘅停頓嘅功能。
今次隱世扒房果然冇令我失望，去旺角食野冇idea又多一間選擇了，嘻～
張貼
