影片
更多
2012-08-18
263 瀏覽
見尼間開左都有一段時間,自己住附近,尋晚終於第一次去試下啦,前面只有3人買緊,但都等左十幾分鐘可能因為啲雲吞係即煮買左大辣既雲吞面,講真,真係唔錯,但亦係眾多酸辣面既最大病處,好咸!!但如果話佢係酸辣面,佢又唔稱得上,因為不太酸,實質黎講係麻辣面而雲吞係人手包,入面包住既係豬肉,皮薄,讚!20蚊大大碗,有十粒雲吞同面,非常抵食初嚐幾啖,覺得好好味,食左3份1,忍唔住要加少少水,食左一半,實在太咸,只係食埋啲雲吞,就掉左~今日lunch,諗住再去一試,原本打算再食,打算叫唔好咁咸,點知未買已經成肚火同尋日一樣,只有3人排隊,當老板快將前面3人的order都煮好的時候,突然一個女人走埋黎大叫:搞錯,光天化日之下打尖?係咪香港人黎咖!!但點知接order果個男人又真係無視我尼個排緊隊既人算...當係個客自以為是,再等..其間黎多個客人~當老板又差唔多煮完既時候,我準備落order,點知個男人望左我一眼後,再次無視我,俾我身後既客人落order先!!!今次我忍唔住,即時大聲講左句:個男人望住我沉默左1-2分鐘,之後好無禮貌咁講左句:好,我等!!再等左數分鐘,個男人終於問我要咩,當我準備落ore
見尼間開左都有一段時間,自己住附近,尋晚終於第一次去試下啦,
前面只有3人買緊,但都等左十幾分鐘
可能因為啲雲吞係即煮
買左大辣既雲吞面,講真,真係唔錯,但亦係眾多酸辣面既最大病處,好咸!!
但如果話佢係酸辣面,佢又唔稱得上,因為不太酸,實質黎講係麻辣面
而雲吞係人手包,入面包住既係豬肉,皮薄,讚!
20蚊大大碗,有十粒雲吞同面,非常抵食
初嚐幾啖,覺得好好味,食左3份1,忍唔住要加少少水,食左一半,實在太咸,只係食埋啲雲吞,就掉左~
今日lunch,諗住再去一試,原本打算再食,打算叫唔好咁咸,
點知未買已經成肚火
同尋日一樣,只有3人排隊,
當老板快將前面3人的order都煮好的時候,
突然一個女人走埋黎大叫:[事頭婆,照舊啦!]
搞錯,光天化日之下打尖?係咪香港人黎咖!!
但點知接order果個男人又真係無視我尼個排緊隊既人
算...當係個客自以為是,再等..其間黎多個客人~
當老板又差唔多煮完既時候,我準備落order,
點知個男人望左我一眼後,再次無視我,俾我身後既客人落order先!!!
今次我忍唔住,即時大聲講左句:[唔該,嗌野!]
個男人望住我沉默左1-2分鐘,之後好無禮貌咁講左句:[等等啦!!!]
好,我等!!
再等左數分鐘,個男人終於問我要咩,
當我準備落ored既時候:[唔該,我想問.....](未講完!!)
有一個客人黎左,個客人勁大聲話:[唔該我要咩咩咩1碗,咩咩咩兩碗,咩咩咩....]
個男人即刻幫果個客人落order,再次無視我囉!!!
心底不禁講左隻粗口字
我即時大大聲話:
[唔駛喇!!我唔要喇,我俾3個人打左尖,但你地都無理過我!我已經講左唔講嗌野,但都可以唔理我!!]
講完就調頭走,只見煮緊面既老板,好無奈望住我,再望佢身旁既果個男人!!!
雖然老板好無辜!!!但對唔住!!睇得出你地係家庭生意,個男人可能係老板個仔,老板你只好怪果個男人趕客!!
離哂大譜!!!
題外話/補充資料：
食物好味,態度差可以忍,但唔好無服務,同明知有個客人,都可以當個客人透明!!!就會唔想再幫襯!!
另外兩日都見到店中落配料既女人,無手套,唔知有無洗手,去拎配料放入碗!!
(以上食評乃用戶個人意見 , 並不代表OpenRice之觀點。)
張貼
