La Viña (已結業)

孕期滿懷期待想試下呢度啲包點，一入去見到有位可以坐低食，亦可以take away。由於無人係門口安排，我企左一陣之後就問企係包點櫃後的一排工作人員「請問果邊有位我地係咪可以直接去坐？」，荒誕的是我問左兩次唔同人佢地都好似完全聽唔到我講野咁，四目交接，然後佢繼續做佢地嘢⋯然後見到另一個服務員攞住麵包係我身邊經過，我又問佢同樣問題，佢依然冇理我行開咗。然後當佢再次迎面經過，我唔信邪再問一次，佢話你等一陣跟住就走咗，我企喺度等佢都無返過嚟，而隔離麵包櫃後嗰一排人都完全冇要問我需唔需要幫手....我當然唔係覺得大肚婆有特權，但我自問有禮貌有耐性，但呢度班人好似發緊夢咁完全唔知道佢哋做緊啲乜唔理顧客。最後我冇食到直接走咗。我相信呢度人氣高企可能好忙（但當時無人排隊，亦有空台），但同樣嘅事喺灣仔bakehouse，佢哋就會安排得好好完全唔會將顧客晾埋係一邊，希望你地會反省吓